باغي ټي وي رپورټ
پيښور: دپوليسو لاين جومات کې دچاودنې په اړه پلټنې روانې دي چې پکې امکان شته چې چاؤديدونکي مواد دپوليس لاین ته په يو گاډي کې راوړل شوي وي.
د پلټنو ټیمونو د پولیس لائن ګیټ او خیبر روډ ویډیوګانې کتلې او پولیس وائي چې تیره ورځ 140 کسان پولیس لائنز ته ننوتلي وو.
د پولیسو په وینا ، د پولیس لاین بیرکونو کې موجود ټولو خلکو لپاره پرو فایلنګ هم کیږي.
بل لوري ته دخيبرپښتونخوا آئي جي معظم جاه انصاري ميډيا سره خبرو کې وئيلي دي چې په سيمه کې دامنيتي نقص خبره شوې ده چې په اړه يې پلټنې روانې دي، امکان لري چې په چاودنه کې له لسو څخه تر ١٢ کيلو پورې بارودي مواد کارول شوي وي.
ده ووئيل د بريد كوونكو اسانتياوې هم معلومې دي او ډېر ژر به جے آئي ټي كښې هر څه روښانه شي۔
Leave a Reply