د بلوچستان ریکوډک پروژه، د پروژې اړوند د بلوچستان حکومت ته لومړۍ درې ملیونه ډالر ورکړل شوي دي

باغی ټي وي رپورټ
د بیرک ګولډ کارپوریشن، هغه شرکت چې د ریکوډیک په پروژه کار کوي، د پروژې اړوند د بلوچستان حکومت ته لومړۍ پیسې ورکړې.

د بارک گولډ کارپوریشن لخوا جاري شوي اعلامیې له مخې بلوچستان حکومت ته د نوې شراکت په چوکاټ کې درې میلیونه ډالره ورکړل شوي دي.
د ريکوډک پاکستان کنټري منيجر علي رند د معدنياتو سيکرټري ته د درې ميليونو ډالرو چيک وړاندې کړ.

ياده دې وي چې تېره مياشت وفاقي کابينې د ريکوډک پروژې د نهايي تړون د لاسليک کولو رسمي منظوري ورکړې وه.

د بارک گولډ کارپوریشن مشر وویل چې د ریکوډیک څخه به لومړی سوداګریز تولید په 2028 کې پیل شي او د ریکوډیک زیرمې به 40 کاله ژوند ولري.

ده ووئيل چې د رېكوډك په منصوبه كښې به 7500 كسانو ته روزګار او 4000 اوږدمهاله كارونه به پېدا شي٬ بلوچستان ته به كله چې تجارتي پېداوار پېل شي د 50 ميليونو ډالرو كلنۍ رائلټي ترلاسه كوي۔