وزيراعظم شهباز شریف ویلي چې هغه كسان چې د الله تعالى په كور كښې د عبادت كوونكو وينه تويوي هغه مسلمان نه شي کیدلې

باغي ټي وی رپورټ

وزيراعظم شهبازشريف دپيښور پوليس لائن کښي شوي ترهه ګرئ نه پس په بيړني دوره پيښور ته رسيدلي دي .
په دي موقع آرمي چيف جنرل سيد عاصم منير د وزيراعظم هرکلے اوکړو چي پکښي ورسره ددفاع وزير خواجه محمد آصف، د اطلاعاتو وزير مريم اورنګزيب او سلاکار وزير هم موجود وو۔ وزيراعظم سره انجينئر امير مكم هم موجود وو۔ وزيراعظم شهباز شريف ته د کور کمانډر پيښور لخوا د ترهه ګرۍ د عواملو او محرکاتو په اړه بريفنګ ورکړے شو.
په دغه مهال د خيبر پښتونخوا د پوليسو انسپکټر جنرل پوليس لائنز کښې د ځانمرګي بريد په اړه د ابتدائي تحقيقاتو رپورټ وړاندې کړو۔
وزيراعظم ته په پوليس لائنز کښې د ځانمرګي بريد سي سي ټي وي فوټيج هم وښودل شو۔
. د غونډې ګډونوالو د پوليس لاين په بريد كښې د شهيد شويو كسانو لپاره د فاتحې خواست وكړو او د ژوبل شويو كورنيو سره يې د خواخوږۍ څرګندونه وكړه او د ژوبل شويو زر روغتيا لپاره يې دعا وكړه.

په دې موقع وزيراعظم ووئيل ترهګر د پاكستان د دفاع په ذمه وار ادارو باندې حملې كولو سره د وېرې او ترهه ګرۍ فضا پېدا كولو ناوړو كوششونه كوي كومې به چې د رياست او قامي اتحاد په مضبوطۍ سره شنډ كړے شي۔
وزیراعظم اوویل چې د پاکستان اولس د ترهگرۍ په ضد سترې قربانۍ ورکړي دي، د شهيدانو قربانۍ به بې ځايه نۀ ځي . وزيراعظم وويل دترهه گرۍ ضد ادارو، پوليسو استعداد اؤ سهولتونه به زيات کړل شي.
مونږ به په پوره قوت او جامعیت سره د نیشنل ایکشن پلان تطبیق یقیني کړو.
بلخوا وزيراعظم شهبازشريف د پيښور ليډي ريډنګ هسپتال دوره کړې او د پوليس لائنز ژوبل شوي کسانو سره ئې د خواخوږۍ څرګندونه کړې ده۔

په دې موقع وزيراعظم ووئيل هغه كسان چې د الله تعالى په كور كښې د عبادت كوونكو وينه تويوي هغه مسلمان نه شي کیدلې۔
هغه اوویل چې څوک چې دا جنایتونه کوي د الله سبحانه وتعالی له غذاب څخه به خلاص نشي. وزيراعظم د زخميانو لپاره د غوره طبي اسانتياو د برابرولو هدايات هم وكړل۔
له دې سره هم مهاله لومړي وزیر ویلي، چې د اسلام په نوم د لمانځه پر مهال پر جوماتونو او بې ګناه وګړو برید تر ټولو ناوړه عمل دی. د پاکستان خلکو د افراطیانو د بې اساسه ایډیالوژۍ اصلي څېرې او هغه عناصر چې د دین غلط تفسیر کوي، رد کړي دي.
دا ډول بزدلانه بریدونه د ترهګرۍ پر وړاندې زموږ ملي هوډ نه شي کمزوری کولی.

وزیراعظم ژمنه ږکړه چې د بې ګناه وګړو په دغه برید کې ککړ عناصر او د هغوی تسهیل کوونکي به د قانون منګولو ته وسپاري.