باغی ټي وي رپورټ
د خزانې وفاقي وزير اسحاق ډار د پټرول او ډيزلو په بيو کښې د 35 روپو زياتوالي اعلان کړے د کوم په اړه چې د مسلم ليګ نون قيادت د فوري ردعمل نه ډډه کړې ده۔
ياده دي وي چي تير کال د اګست په 16مه نيټه حکومت د پټرولو په نرخ کښي 6 روپئ 72 پيسې زياتوالی راوستی وو نو د مسلم ليګ ن قيادت سخت ردعمل څرګند کړی وو او په دغه وخت کښي د خزاني وفاقي وزير مفتاح اسماعيل وو۔
د پټرولو د نرخونو د زياتوالي په اړه د مسلم ليګ ن مشرې مريم نواز ويلي وو چې نواز شريف نه يوازې د پټرولو د بيو د زياتوالي مخالفت کړی، بلکې دا يې هم ويلي چې پر ولس د يوې روپۍ بار هم نه مني. .
مريم نواز وويل چې نوازشريف له غونډې ووت او ويې ويل چې که حکومت مجبوره وي نو په دې پرېکړه کې دخیل نه دی.
نن د خزانې وفاقي وزير اسحاق ډار د پټرول او ډيزلو په بيو کښې د 35 روپو د زياتوالي اعلان کړے دے ولي د ليګ قيادت لخوا په دې اړه کوم ردعمل نه دې راغلې۔
Leave a Reply