چيف اليکشن کميشنر سکندر سلطان راجا د پنجاب نګران وزيراعلې ټاکلو لپاره غونډه رابللې ده۔
باغی ټي وي رپورټ
چيف اليکشن کميشنر سکندر سلطان راجا د پنجاب نګران وزيراعلې ټاکلو لپاره غونډه رابللې ده۔
د پنجاب د نگران وزیراعلی لپاره د حکومت او اپوزیسیون لخوا وړاندیز شوي دوه نومونه الیکشن کمیشن ته رسیدلي دي.
سرچينې وائي چې چيف اليکشن کمشنر دپنجاب د نگران وزيراعلي دټاکنې لپاره سبا يوه غونډه رابللې ده چې پکې به چيف اليکشن کمشنر اؤ غړي برخه اخلي.
دسرچينو ترمخه دچيف اليکشن کميشنر په مشرۍ کې به په غونډه کې د نگران وزيراعلي په نومونو غور کولى شي او اليکشن کميشن به سبا دپنجاب د نگران وزيراعلي اعلان کوي.
ياده دې وي چې د حکومت او اپوزيشن ترمينځه د پنجاب د نگران وزيراعلې د ټاکلو لپاره په يو نوم باندې د اتفاق نه وروسته دا معامله اليکشن کميشن ته وړاندې شوې وه۔
بل لوري ته دپنجاب وزيراعلي چوهدري پرويز الاهي تيره ورځ ميډيا سره خبرو کې وئيلي دي چې دچيف اليکشن کميشنر لخوا ټاکل شوي نگران وزيراعلي ته به دچليدو اجازه نۀ ورکوي، مونږ به دنگران وزيراعلي په ضد عدالت ته ځو.
Leave a reply
