د جمرود تخته بیګ پوسټ برید کښې د شهید شوي کانسټېبل منظور شاه او یونس خان د جنازې لمونځ په پولیس لائن خېبر کښې په پوره سرکاري اعزاز سره ادا کړے شو.

باغی ټی وی رپورټ
: د جمرود تخته بیګ پوسټ برید کښې د شهید شوي کانسټېبل منظور شاه او یونس خان د جنازې لمونځ په پولیس لائن خېبر کښې په پوره سرکاري اعزاز سره ادا کړے شو.
د جنازې په لمانځه کې د سي سي پي پي پيښور محمد اعجاز خان، ډي پي او خيبر عمران خان، سيکټر کمانډر منصور عباسي، سيشن جج هدايت الله، ايس پي انويسټيګشن خيبر اسلم نواز، پخواني پارليماني غړي او نورو پوليس افسرانو پشمول د شهيد شوو اهلکارو د وارثانو په شمول ګڼ شمير کسانو ګډون اوکړو۔ افسرانو د شهید جسد ته د ګلونو ګیډۍ کیښودې او د پولیسو ځواکونو لخوا سلامي وړاندې شوه.
د سي سي پي محمد اعجاز خان ډي پي او عمران خان د شهيدانو كورنيو سره د غمرازۍ څرګندونه وكړه او ددوی خپلوانو ته ی ډاډ يې وركړو چې په پېښه كښې ککړ كسان به ډېر زر منطقي انجام ته رسوي۔ پولیس مشرانو وويل چې پوليسو په زړورتيا سره د ډار اچوونکو بريد په شا وتمبول او له سخت مقاومت سره ی مخامخ کړل، هغه ځانمرګی برید وغانده او په میړانه یې مبارزه وکړه او د شهادت ستر مقام یې ترلاسه کړ.