د لاهور هائي کورټ راولپنډۍ بينچ د اليکشن کميشن لخوا د تحريک انصاف چيئرمين عمران خان او فواد چوهدري د ګرفتاري وارنټ معطل کړے دے

باغی ټي وي رپورټ
د لاهور هائي کورټ راولپنډۍ بينچ د اليکشن کميشن لخوا د تحريک انصاف چيئرمين عمران خان او فواد چوهدري د ګرفتاري وارنټ معطل کړے دے۔

د لاهور هائي کورټ راولپنډۍ بنچ جسټس صداقت علي خان د عمران خان او فواد چوهدري د اليکشن کميشن لخوا جاري شوي ګرفتاري وارنټ معطل کولو درخواست سماعت کړے دے۔

عدالت د اليکشن کميشن لخوا د عمران خان او فواد چوهدري د ګرفتارۍ وارنټ معطل کړي او حکم ئي ورکړے چې اليکشن کميشن د توهين عدالت اوريدنه جاري وساتي۔
جسټس صداقت علي خان وويل عدليه دقانون اؤ انصاف په اساس فيصلې کوي، هغوي هم دعدليې څخه رليف اخلي اؤ په ميډيا کې عدالتونه په نخښه کوي، په ميډيا کې عدالتونه په نښه کول دعدالت سپکاوى دى.

فاضل جج زياته کړه چې که فواد چوهدري په راتلونکي کې په ميډيا کې عدالتونه په نښه کړل نو د توهين عدالت کارروائي به وشي، لاړ شه چوهدري ته ووايه چې ټول ذمه واري په عدالتونو مه اچوه، فواد چوهدري چې کله ميډيا سره خبرې کوي نو هغه په غاړه لري. د محکمې مسؤولیت، بس دی، محکمه به یې نور ونه زغمي.