چین د کورونا محدودیتونو ته په خپل لومړي ځواب کې سویلي کوریا او جاپان ته د لنډمهاله ویزو ورکول وځنډول

باغی ټي وي رپورټ
چین د کورونا محدودیتونو ته په خپل لومړي ځواب کې سویلي کوریا او جاپان ته د لنډمهاله ویزو ورکول وځنډول.

په جنوبي کوريا کې د چين سفارت وايي، د کوريا او جاپان اوسېدونکو ته د لنډ مهاله ويزو ورکول ځنډول شوي او د ويزو ورکول به په چين کې د ننوتلو د تبعيضي محدوديتونو له لرې کولو وروسته بيا پيل شي.
د چین د اقدام په اړه د جنوبي کوریا د بهرنیو چارو د وزارت ویاند ویلي چې د کرونا د پېښو د زیاتوالي له امله له چین څخه پر مسافرو د سفر بندیزونه د ساینسي اصولو پر بنسټ دي او دوی له چین سره د ډیپلوماتیکو لارو په اړه خبرې کوي.

د يادونې وړ ده چې د امريکا، بريتانيا، هند او جاپان په ګډون ګڼو هېوادونو په چين کې د کرونا ويروس د خپرېدو له امله له چين څخه د راغلو مسافرو لپاره د منفي کرونا ټېسټ شرط ايجابو کړی دی.

سربیره پردې ، سویلي کوریا د چین څخه مسافرینو ته د سیاحتي ویزو ورکولو څخه انکار کړی و.