پیښور سربند سیمه کښې سي ټي ډي کاروایی کړې، په خپور شوی بیان کښې وایی چې د کالعدم تنظیم ترهګر ی وژلي

باغی ټي وي رپورټ
د ترهګرۍ مخنیوي او ضد ادارې (سي ټي ډي) پيښور ريجن او سيکورټي فورسز د پيښور په سربند سيمه کښې کاروائي دوران څلور ترهګر وژلي، څلور کلاشنکوفونه او درې لاسي بمونه برآمد شوي دي۔

د سي ټي ډي چارواکو ترمخه ترهګرو په سانګو سربند سيمه کښې د فورسز اهلکارو په ليدلو ډزي شروع کړې دي۔ ډزو ډیر وخت دوام وکړ.

د ډزو په ترڅ کې ۴ ترهګر وژل شوي او ۳ تر ۴ ترهګر د شپې په تیاره کې تښتېدلي دي.د سي ټي ډي چارواکو ترمخه د وژل شوؤ ترهګرو نه څلور کلاشنکوفونه او درې لاسي بمونه هم برآمد شوي دي، ترهګر سي ټي ډي ته په څو کيسونو کې مطلوب وو، د ترهګرو تعلق کالعدم تنظيم سره وو.