باغی ټی وی رپورټ
کراچۍ: د خزانې پخواني وزير مفتاح اسماعيل وئيلي دي چې عمران خان يو ښه سياستمدار دی خو ښه پاليسي جوړونکی نه دی.
په سوشل ميډيا خپل يو بیان کښې مفتاح اسماعيل وئيلي دي چې په پاکستان کښې هيڅوک د وزيراعظم په توګه د عمران خان په شان جذبه نه لري خو خان ته دا معلومه نه ده چې د وزيراعظم کېدو نه پس به څه کوي.
هغه وویل چې یو سیاستوال یو نظر او فکر لري، خان نن یو څه وايي، سبا یو څه، د هرچا نظر مختلف دی خو د عمران خان نظر بل ډول دی.
مفتاح اسماعیل وویل عمران خان یو ښه سیاستمدار دی، څوک چې په سیاست نه پوهیږي هغه دلته نه شي راتلی خو هغه ښه پالیسي جوړونکی نه دی، د هغه په څلور کلن حکومت کې هیڅ پرمختګ نه دی شوی.
دماليې پخواني وزير وويل چې په خپل حکومت کې مو هيواد دنادارۍ څخه بچ کړى دى، شهباز شريف سياسي سرمايه لګولې ده، دپارټۍ خلک زمونږ څخه ډاريږي او زما په ضد دي.
Leave a Reply