باغی ټي وي رپورټ
د حکومت متحد ګوند متحده قومي موومنټ (ایم کیو ایم) د پاکستان د فدرالي حکومت له هغه اعلان سره مخالفت کړی چې د شپې اته بجې به بازارونه تړلي وي.
د ایم کیو ایم مشر وسیم اختر ویلي دي چې د دوکانونو د تړلو پریکړه باید د پاچاهانو په څیر نه وي.
د جيو نيوز پروګرام کيپيټل ټاک کې د خبرو پر مهال وسيم اختر وويل، چې کراچۍ هېواد چلوي، د کراچۍ له اړوندو ادارو سره په ګډه پرېکړه وکړئ.
هغه وويل، چې په بنده خونه کښې د شوې پرېکړې مخالفت به کوي.
د لاهور د سوداګرۍ خونې مشر کاشف انور وايي، په پرېکړه کې د سوداګرو له استازو سره مشوره نه ده شوې.
ياده دې وي چې وفاقي حکومت د انرجي سيونګ پروګرام لاندې په ټول ملک کښې د شپې لس بجې د ودونو هالونه او د شپې اته بجې بازارونه تړلو اعلان کړي وو۔
د وفاقي کابينې غونډې وروستو ميډيا بريفنګ کښې د دفاع وزير خواجه آصف وويل چې د حکومتي ادارو د بجلۍ په مصرف کښې به 30 فيصده کمي راوستلې شي، دې منصوبې سره به د کال 62 اربه روپۍ بچت شي۔
Leave a Reply