باغی ټي وي رپورټ
د پاکستان تحریک انصاف چیرمین عمران خان د عدالت د حکم باوجود په اسلام آباد کښې د بلدیاتی انتخاباتو نه کولو په فیصلې خپل ردعمل څرګند کړی دی.
په سوشل ميډيا خپل يو بيان كښې عمران خان وئيلي دي چې اليكشن كمېشن د عدالت د حكم باوجود انتخابات نه كولو سره ځان د حكومت بي ټيم ثابت كړو۔عمران خان ویلي چې پي ټي ایم له خلکو ویره لري او له انتخاباتو څخه تښتي.
د پاکستان تحريک انصاف چيئرمېن وئيلي وو ووټ بنيادي جمهوري حق دے او پي ټي آئي به د دې لپاره مبارزه کوي۔بل اړخ ته د اسلام آباد هائي کورټ د فیصلې خلاف الیکشن کمیشن او وفاقي حکومت تیره ورځ انټر کورټ اپیل دائر کړی دی.
ياده دي وي چي تيره ورځ اسلام آباد هائي کورټ اليکشن کميشن ته حکم ورکړے وو چي نن (دسمبر 31) په وفاقي پلازمينه کښي بلدياتي ټولټاکني ترسره کړي ولي وفاقي حکومت اليکشن کميشن ته سکيورټي ورکولو نه انکار کړي وو او انتخابي کارکونکي په فوري توګه موجود نه وو۔د ټاکنو کمېسیون سرچینې وايي، په دومره کمه موده کې د ټاکنو ترسره کېدل ناشوني دي.
بل لوري ته دکورنيو چارو وفاقي وزير رانا ثناءالله وئيلي دي چې اسلام اباد کې بلدياتي انتخاباتو لپاره له څلورو څخه تر پينځو مياشتو پورې وخت پکار دى.
Leave a Reply