چین د جنورۍ له اتمې نیټې څخه د کورونا محدودیتونو په نرمولو سره د ټولو پولو د خلاصولو اعلان کړې دې، نړۍ دې په اړه غبرګون ښودلې

باغی ټي وي رپورټ
چین د جنورۍ له اتمې نیټې څخه د کورونا محدودیتونو په نرمولو سره د ټولو پولو د خلاصولو اعلان وکړ، چې وروسته بیا په چین کې د صفر کوویډ پالیسي نرمولو په اړه نړیوال غبرګونونه هم راپورته شوي دي.

د برتانیې د روغتیا وزارت له چین څخه برتانیې ته د تلونکو الوتنو د مسافرو لپاره د کرونا ویروس منفي معاینات لازمي کړي دي.

د انګلستان د روغتیا وزارت په وینا ، د جنوري له 5 څخه ، له چین څخه انګلستان ته تلونکي مسافر باید د روانیدو دمخه د منفي ازموینې راپور وښیې.د برتانیا د روغتیا امنیتي ادارې په وینا د جنورۍ له اتمې به هم څارنه پیل شي او له چین څخه د راغلو مسافرو د ازموینې نمونې به هم واخیستل شي.

د برتانیا د روغتیا وزیر سټیو بارکلي وايي حکومت متوازن او احتیاطي تدابیر نیسي پداسې حال کې چې اقدامات لنډمهاله دي او چارواکي به د نوي کوویډ ډیټا هم بیاکتنه وکړي.