سږ کال ۲۰۲۲ په ټوله نړۍ کې ۵۸ خبریالان د خپلو مسلکي وظیفو د ترسره کولو پر مهال وژل شوي دي

باغی ټي وي رپورټ
سږ کال په ټوله نړۍ کې ۵۸ خبریالان د خپلو مسلکي وظیفو د ترسره کولو پر مهال وژل شوي په داسې حال کې چې په تېرو ۲۰ کلونو کې په ټوله نړۍ کې شاوخوا ۱۷۰۰ خبریالان وژل شوي او په تېرو ۲۰ کلونو کې پاکستان د خبریالانو لپاره پنځم خطرناک هېواد بلل شوی دی.
پاکستانۍ ژورنالسټ او د ټي وي اینکر ارشد شریف هم سړ کال ۲۰۲۲ په ۲۳ اکتوبر په کینیا کښې په ډزو اووژل شول.

د بې پولې خبریالانو سازمان د راپور له مخې، د تېر کال په پرتله سږ کال د خبریالانو د وژنې کچه لوړه شوې ده.تېر کال ۵۱ خبریالان د دندې پر مهال وژل شوي وو. په اوکراین کې د فبرورۍ په میاشت کې د روسیې له یرغل راهیسې اته خبریالان وژل شوي دي.

د راپور له مخې په تېرو شلو کلونو کې عراق او سوریه د خبریالانو لپاره تر ټولو خطرناک هېوادونه بلل شوي، چې د جنګ ځپلو سیمو په پرتله په امن سیمو کې د جرمونو او فساد په څېړنه کې ډېر خبریالان وژل شوي دي.