د افغانستان په پروان ولایت کې په یوه تونل کې د تیلو د یوه ټانکر د چپه کیدو له امله ۱۹ تنه وژل شوي او ګڼ نور ټپیان شوي دي.

باغی ټي وي رپورټ
د افغانستان په پروان ولایت کې په یوه تونل کې د تیلو د یوه ټانکر د چپه کیدو له امله ۱۹ تنه وژل شوي او ګڼ نور ټپیان شوي دي.

د افغان ميډيا له مخې پېښه د پروان ولايت د دره سالنګ په تونل كښې رامخې ته شوې چې په نتيجه كښې ئې د تېلو يو ټانكر چپه شو او اور لګېدو سره په تونل كښې موجود ګڼ شمېر ګاډو هم اور ولګېد۔
د افغان چارواکو په وینا په دې پېښه کې د وژل شویو کسانو شمېر د زیاتېدو اټکل دی.

عيني شاهدان وايي، په مړو کې د نارينه وو ترڅنګ ښځې او ماشومان هم شامل دي، په ټانکر کې د اور لګېدو له امله په تونل کې موجود نور موټرونه هم زيانمن شوي دي.
له پېښې وروسته تونل د اوس لپاره د ترافیکو پر مخ تړل شوی دی.