د پاکستان تحریک انصاف د قومي اسمبلۍ غړو د استعفیٰ تصدیق کولو په معامله د سپیکر مخې ته د حاضریدو پریکړه کړې د

باغي ټي وي رپورټ
لاهور: د پاکستان تحریک انصاف د قومي اسمبلۍ غړو د استعفیٰ تصدیق کولو په معامله د سپیکر مخې ته د حاضریدو پریکړه کړې ده.

سرچينې وائي چې پي ټي ائي دقومي اسمبلۍ سپيکر ته دليږل شوي خط ځواب ترلاسه کولو وروستو پخپله حاضريدو فيصله کړې ده.

دسرچينو ترمخه د پي ټي آئي غړي د شورو يا پنجشنبې په ورځ د سپيکر راجه پرويز اشرف په وړاندې په حاضريدو غور کوي.
سرچينې وائي چې عمران خان به نن د پارټۍ په مشاورت کې د پي ټي ائي غړو ته د سپيکر مخې ته د حاضريدو د حتمي نيټې منظوري ورکوي.

دسرچينو ترمخه دپاکستان تحريک انصاف وائس چيئرمين شاه محمود قريشي څو ورځې وړاندې دقومي اسمبلۍ سپيکر ته يو خط ليکلى ؤ چې پکې دغړو داستعفې تصديق لپاره وخت غوښتى ؤ خو دقومي اسمبلۍ سپيکر راجه پرويز اشرف دغه خبره نۀ ده کړې. تر اوسه د استعفا د تایید لپاره وخت نه دی ورکړل شوی.