امریکا د روسیې او ایران له پوځ سره د مرستې په تور پر ۲۴ شرکتونو بندیزونه لګولي دي

باغی ټي وي رپورټ
د امریکا د سوداګرۍ وزارت پر ۲۴ شرکتونو د روسیې او ایران د ملاتړ له کبله بندیزونه لګولي دي.

په پاکستان او متحده عربي اماراتو کې ۱۰ شرکتونه د روسیې له پوځ سره د مرستې په تور پرې بندیزونه لګول شوي دي.
د امریکا د سوداګرۍ وزارت په وینا، د لاتویا، روسیې، سینګاپور او سویس شرکتونه د بندیزونو لاندې شرکتونو کې دي.

د امریکا د بهرنیو چارو وزارت وايي، د دغو شرکتونو ناامنه کاروبارونه د نه منلو وړ خطرونه لري، چې د روسیې له پوځ سره مرسته کوي او د ایران برېښنا شرکت ته اکمالات برابروي.