د ملي دفاع سرپرست وزير ابوظبۍ کې د افغانستان په چارو کې د امریکا له ځانګړي استازي سره وکتل.
د ملي دفاع سرپرست وزير ابوظبۍ کې د افغانستان په چارو کې د امریکا له ځانګړي استازي سره وکتل.
6 دسمبر 2022
د افغانستان اسلامي امارت د ملي دفاع وزارت له لورې په یوه تازه خپره شوې خبرپاڼه کې راغلي چې د یاد وزارت سرپرست مولوي محمد یعقوب مجاهد د افغانستان لپاره د امریکا متحده ایالتونو ځانګړي استازي سره کتلي.
خبرپاڼه زیاتوي: د ملي دفاع سرپرست وزیر مولوي محمد یعقوب “مجاهد” متحده عربي اماراتو ته د خپل سفر په ترڅ کې نن په ابوظبۍ کې د افغانستان په چارو کې د امریکا متحدو ایالتونو له ځانګړي استازي ټام ویست سره وکتل.
په دې کتنه کې دواړو لورو د افغانستان پر مسئلې خبرې وکړې.
د ملي دفاع سرپرست وزیر د امریکا ځانګړي استازي ته ډاډ ورکړ، چې افغانستان امن دی، ټولې سرحدي پولې او فرضي نقطې یې خوندي دي او د افغانستان له خاورې څخه د سیمې او نړۍ هېوادونو ته هېڅ ګواښ نشته او نه به وي او همداراز د افغانستان خاوره د هيڅ هېواد په ضد نه ده کارول شوې او نه به وکارول شي.
په اخير کې د ملي دفاع سرپرست وزير له ټام ويسټ وغوښتل چې نړۍ باید د افغانستان ځمکنۍ بشپړتیا ته درناوی ولري.
اړوند موضوعات
یاده دې وي چې د اسلامي امارت د ملي دفاع وزارت سرپرست په مشرۍ متحده عربي اماراتو ته دوه ورځې وړاندې یو پلاوی تللی چې هلته یې د یاد هیواد له بیلابیلو مشرانو او میشتو افغانانو سره لیدنې ترسره کړي.
حماد
Leave a reply
