د جي شل هېوادونو غونډه کې به د افغانستان په اړه هم خبرې وشي
د ایټالیا د بهرنیو چارو وزیر ویلي چې د جي شل هېوادونو په سږنۍ غونډه کې به د افغانستان په اړه هم خبرې وشي.
د یادې نوبتي مشري دا ځل د ایټالیا هېواد کوي چې دغې غونډې ته به د قطر هېواد، د پیسو نړیوال صندق او یو شمېر نورې ادارې وغوښتل شي.
(2021 / 9 / 30 نېټه باغي ټلویزیون)
د ایټالیا د بهرنیو چارو وزیر ویلي چې د جي شل هېوادونو په سږنۍ غونډه کې به د افغانستان په اړه هم خبرې وشي.
د یادې نوبتي مشري دا ځل د ایټالیا هېواد کوي چې دغې غونډې ته به د قطر هېواد، د پیسو نړیوال صندق او یو شمېر نورې ادارې وغوښتل شي.
د ایټالیا د بهرنیو چارو وزیر ویلي چې دغه غونډه به د اکتوبر د میاشې په ۱۲ نېټه ترسره شي.
تر دې وړاندې هم د ايټالیا د بهرنیو چارو وزیر ویلي ؤ چې په یاده غونډه کې به د افغانستان په اړه مهمې خبرې ترسره شي.
نوموړي ویلي ؤ چې د دوی هېواد به له افغانستان سره مرستې وکړي؛ خو د طالبانو پر رسمیت پېژندلو لپاره لا هم ډېر وخت ته اړتیا ده.
دۀ همدارنګه پر امریکا غږ کړی ؤ چې د افغانستان ګنګل کړې سرمایه دې بېرته آزاده کړي او اجازه دې ورکړي چې افغانستان له سخت اقتصادي ناورین سره مبارزه وکړي.
Leave a Reply