د امریکايي سناتورانو وروستیو څرګندونو د پاکستان سیاستوال اندېښمن کړي دي

د امریکايي سناتورانو وروستیو څرګندونو د پاکستان سیاستوال اندېښمن کړي دي

تېره ورځ د امریکا یو شمېر سناتورانو وویل چې دوی به په یو طرحه کار وکړي چې پایله کې به یې پر پاکستان بندیزونه ولګېږي، دوی تور پورې کړی چې پاکستان له امریکا سره د افغان طالبانو پر سر دوه مخي کړې ده.

(2021 / 9 / 30  نېټه باغي ټلویزیون)

تېره ورځ د امریکا یو شمېر سناتورانو وویل چې دوی به په یو طرحه کار وکړي چې پایله کې به یې پر پاکستان بندیزونه ولګېږي، دوی تور پورې کړی چې پاکستان له امریکا سره د افغان طالبانو پر سر دوه مخي کړې ده.

دغو وروستیو څرګندونو د پاکستان سیاستوال، دولتي غړي  او د پارلمان وکیلان اندېښمن کړي او تمه یې ښودلې چې امریکا له دغو کړنو په شا شي.

د پاکستان د بهرنیو چارو وزیر بیا ویلي چې دوی له امریکا سره په تماس کې دي او پرې وبه مني چې پر پاکستان کوم بندیز ونه لګوي.

نوموړي ویلي چې امریکا دې پاکستان نه ملامتوي ځکه د دۀ په وینا امریکا خپله مستقیم له طالبانو سره په تماس کې وه او دغه هوکړه دوی خپله کړې وه.

ځینې پاکستاني سیاستوال بیا پر پاکستان د دغو فشارونو لامل د هند پروپاګندي ګڼي او دوی وايي چې دا د پاکستان ضد د هند تبلیغات ؤ چې امریکا اړ کېږي پر پاکستان بندیزونه ولګوي.

تر دې وړاندې پاکستان کې پراخ لاریونونه شوي ؤ او ویل شوي ؤ چې د پاکستان پر ځای دې نړۍ پر هند بندیزونه ولګوي.