باغي ټي وي رپورټ
په هند کې د یوې نجلۍ د خپل ملګري له خوا د وژلو یوه بله پېښه هم مخې ته راغلې ده.
د هندي رسنیو په وینا، په ریسټ اوریسا کې یوه هلک لومړی خپل ملګری د بل هلک سره د اړیکو په شک په ډزو وژلی او بیا یې سوځولی او جسد یې د پټولو لپاره په ځنګل کې ښخ کړی دی.
د پولیسو په وینا، د وژل شوې نجلۍ له ملګري سچن اګروال څخه د پوښتنې پر مهال اعتراف وکړ، چې لومړی یې نجلۍ په ډزو وژلې او بیا یې یوه لرې ځنګله ته وړې، پر بدن یې پټرول شیندلي او اور یې ورته اچولی او مړی یې ښخ کړی دی.
پولیس چارواکي وايي، تورن سچن اګروال د نجلۍ له کورنۍ سره یوځای دوی ته دوکه ورکوله او بېلابېلې کیسې یې کولې، خو د پېښې له بېلابېلو اړخونو تر پلټنو وروسته سچن اګروال د نجلۍ په وژلو اعتراف وکړ.
ياده دې وي، چې څه موده وړاندې په هند کې د يوه هلک له خوا د خپل ملګري په بې رحمانه ډول تر وژلو وروسته د خپل ملګري د ټوټې ټوټې کولو غمجنه کيسه مخې ته راغله، چې له ١٨ ورځو راهيسې په بېلابېلو ښارونو کې ګرځېدل او وهل ټکول يې دوام درلود.
Leave a Reply