مظاهره کوونکو سره خبرې بریالۍ شوي دي،د پیښور او تورخم لویه لار پرانستل شوه

باغي ټي وي رپورټ
د لنډي کوتل پوليس چارواکو د احتجاج کوونکو مشرانو او خلکو تر خبرو اترو وروسته پاک افغان لويه لار د ترافیک پرمخ پرانستل شوه.

د لنډي کوتل د پوليسو سب انسپکټر عشرت شينواري وايي چې د نهې په په ورځ به په لنډي کوتل کې د ټيسکو او واپډا چارواکو سره د ځايي مشرانو، سياسي مشرانو او د ځايي حکومت د استازو په مشرۍ خبرې اترې وکړي چې له امله يې لاريون د اوس لپاره پای ته ورسېد.
بل لوري ته احتجاج کوونکي خلک وايي که نهې تر ورځې د بجلۍ لوډشیډنګ ستونزه هواره نه شوه نو د چارشنبې په ورځ به د یو بل احتجاج په لړ کې د پاک افغان لویه لار وتړي.