باغي ټي وي
پخواني وزیراعظم او د پاکستان تحریک انصاف مشر عمران خان حکومت ته د مشروطه خبرو وړاندیز کړی دی.
لاهور کې د پنجاب پارليماني پارټۍ غونډې ته په وينا کې عمران خان وويل ټوله نړۍ وايي چې مونږ دنادارۍ په لوري روان يو، دترسره شوې پيسې کميدل شروع شوي، زمونږ په وخت کې دقرضونو نه ادا کولو خطره 5 فيصده وه اوس سل فيصده ده. پانګه اچوونکي په دوی باور نه کوي ځکه چې دوی د سړک نقشه نلري.
ده ووئيل د ټېكس جمع كولو كښې كمې پېل شوې دي، فېصل آباد كښې د ټكسټائل صنعت ته كارګر نه ملو، زمونږ په وخت كښې معيشت شپږ فيصده وده كړې وه۔ ده ووئيل چې په هېواد كښې به ټيكاو نه شي راتللې، د اسمبلۍ د منحل كولو د پرېكړې تر شا پاكستان دى، كه پنجاب او خېبرپښتونخوا اسمبلۍ منحل كړې نو د پاكستان په 66 فيصده سيمو كښې به انتخابات وشي۔
عمران خان حکومت ته د مشروطه خبرو د وړاندیز په ترڅ کې وویل، له موږ سره کېنئ، خبرې وکړئ او د عامو انتخاباتو نېټه ورکړئ، که نه نو موږ به اسمبلۍ منحل کړو، موږ تاسو ته له موږ سره د ناستې موقع درکوو، ووایه چې څه غواړې؟ په پاکستان کې سل په سلو کې ټاکنې دي او تاسو په مرکز کې ناست یاست، موږ ډېره هڅه وکړه، دوی ټاکنې نه بولي، له ټاکنو ډارېږي. ده ووئيل چې په ټاكنو كښې يې ماتې خوړلې ده، معيشت د تباهۍ په لور روان دے، مونږ به څنګه راوګرځو؟ آصف زرداري ويلي دي چې عمران خان نااهله كړو او زندان ته ی واچوو.
Leave a Reply