کابل کښې د پاکستان سفارت په چارواکو باندې برید شوې دې

باغي ټي وی رپورټ
د افغانستان په پلازمینه کابل کې د پاکستان پر ډیپلوماتیکو چارواکو د ډزو یوه پېښه شوې ده.

د ډيپلوماټيکو سرچينو له مخې، ډزې هغه مهال وشوې چې ناظم الامور په لاره وو.

سرچینه زیاتوي، چې ساتونکی په سینه درې ګولۍ لګېدلی او روغتون ته لېږدول شوی دی.

ډیپلوماتیکو سرچینو ویلي چې د رخصتۍ له امله د پاکستان په سفارت کې کومه رش نه و. د ډيپلوماټيکو سرچينو له مخې، ناظم الامور او نور چارواکي په موقتي توګه بېرته پاکستان ته استول کېږي.

بل خوا د پاکستان لومړي وزير شهباز شريف په کابل کې د پاکستاني ماموريت پر مشر وژونکي بريد په کلکو ټکو غندلى دى.

هغه وويل، هغه زړور امنيتي ساتونکي ته چې د خپل ژوند د ژغورلو لپاره يې مرمۍ اخيستې سلامونه وړاندې کوي، د امنيتي ساتونکي د ژر تر ژره روغتيا دعا کوي.

لومړي وزیر د برید د مسؤولینو پر وړاندې د سمدستي تحقیقاتو او د اقدام غوښتنه کړې ده.