باغی ټي وي رپورټ
د امریکا د بهرنیو چارو وزارت د افغانستان لپاره د امریکا د ځانګړي استازي توماس وېسټ درې هېوادني سفر اعلان کړ.
د امریکا د بهرنیو چارو وزارت په وینا، توماس ویسټ به د خپل یوه اوونۍ سفر په ترڅ کې جاپان، هند او متحده عربي اماراتو ته سفر وکړي.
توماس ویسټ به د خپل سفر په لړ کې د افغانستان په چارو کې د امریکا له متحدینو سره سلا مشورې وکړي.
د بهرنیو چارو وزارت د معلوماتو له مخې، په دې سفر کې به پر اقتصادي بحران، د اساسي حقونو د خوندیتوب او د افغانستان پر امنیتي وضعیت خبرې وشي.
د امریکا د بهرنیو چارو وزارت ویلي، چې توماس ویسټ به د خپل سفر په ترڅ کې له افغان سیاسي شخصیتونو، د ټولنیزو او بشري حقونو له فعالانو او رسنیو سره چې په کې د مېشتو افغان کډوالو په ګډون دی، لیدنه وکړي.
…………………
Leave a Reply