لویر اورکزۍ کښې د سکرو کان راغورځیدلې دې، ۹ مزدوران مړه شوي دي
باغی ټي وي رپورټ
د لوئر اورکزۍ په دولي سيمه کې د سکرو کان غورځيدلي چې له امله يې نهه کان کېندونکي مړه شوي دي.
د پوليسو په وينا، د ډبرو سکرو په کان کې چاودنه د ګاز د را جمع کیدو له امله رامنځته شوې، چې وروسته په کان کې چاودنه وشوه.
د ژغورنې چارواکي وايي، په پېښه کې ۹ کان کیندونکي مړه او ۴ نور ټپیان شوي، چې د طبي مرستو لپاره روغتون ته لېږدول شوي دي.
چارواکي وايي، د پېښې پر مهال د ډبرو سکرو په کان کې ۱۳ کسان موجود وو.
Leave a reply
