اسلامی نړۍ دې د بې وزله افغانانو مرستې پیل کړي

باغي ټي وي رپورټ
په رسنیو کښې داسې رپورټونه چاپ شوي دي چې د افغانستان په بیله بیلو ولایتونو کښې بې روزګاري او فقر زیات شوې دې او د ځای خلقو مطابق ډیر خلق په سوال کولو مجبور شوي دې چې د خپل خاندان غړو د پالنې لپاره په سوال پیسې اوغواړي او ددوی ساتنه وکړي.

په ننګرهار کښې د ځای خلقو مطابق دلته غربت يو په دوه زیات شوې دې او خلق په سوال کولو مجبور شوي دي، په ټولنیزو رسنیو یو ځای تن داسې خبر خپور کړې وو چې په ننګرهار کښې یو د مکتب استاد خپلو شاګردانو ته ویلي وو چې زما لپاره ۵۰ افغانۍ راجمع کړې او چې معاش مې دولت راکړي نو تاسو ته به زه بیا واپس خپل قرض درکړم.
په ورځپانړه نوای وقت کښې یو داسې رپورټ چاپ شوي چې ددې لیکونکې غوښتنه کوي چې په پاکستان کښې د خیرښیګړې تنظیمونه دې په افغانستان کښې مرستو لپاره ځان ورسوي ځکه په افغانستان کښې غریبي او بې روزګاري زیاته شوې ده او خلق په سوال کولو مجبور دي.
ددې رپورټ لیکونکې پاکستان د خیرښیګړې تنظیمونو ته خواست کوي چې دوی دې مخکښې راشي او افغان اولس ته دې په دې سخت وخت کښې خپلې بشري مرستې ورسوي چې افغان اولس خدمت وکړي .