د فوځ نوي ټاکل شوي مشر لفټننټ جنرال عاصم منیر او نوي جوائنټ چيفس لېفټيننټ جنرل ساحر شمشاد په ژوند او ددوی په دنده لنډ نظر

باغی ټي وي رپورټ
د پوځ د نوي مشر جنرال عاصم منیر مسلکي ژوند او خدمت ته یوه کتنه
جنرال عاصم منیر د منګلا ټریننګ سکول نه پاس کړی او په فرنټیر فورس ریجیمنټ کښې کمشن ترلاسه کړی دی.هغه د پوځ د اوسني مشر جنرال قمر جاوېد باجوه په مشرۍ د پوځ کمانډ په شمالي سيمو کې د بريګيډير په توګه په غاړه واخيست، په ۲۰۱۷ کال کې د ملټري انټلي جنس ډي جي او د ۲۰۱۸ کال په اکتوبر کې د آی ايس آی مشر وټاکل شو، چې د لنډې مودې لپاره يې دغه دنده ترسره کړه.
جنرال عاصم منیر لومړنی پوځی مشر دی چې په ملټری انټلیجنس او ​​آی ایس آی کې یې دنده ترسره کړې، جنرال عاصم منیر لومړنی پوځی مشر دی چې د سویډن آف آنر یې ترلاسه کړی دی. هغه د قرآن حافظ هم دی.

د نوي مشر جوائنټ چيفس لېفټيننټ جنرل ساحر شمشاد په دنده او خدمت باندې نظر

جنرال عاصم منیر د آی ایس آی له مشر کېدو وروسته د ګوجرانواله د کور کمانډر په توګه وګومارل شو او دوه کاله وروسته په جی ایچ کیو کې د کوارټر ماسټر جنرال په توګه وګمارل شو او اوس هم په همدې پوست دنده ترسره کوي.
جنرال ساحر شمشاد مرزا خپل پوځي کیرئیر د سندهـ 8 رجمینټ سره پیل کړ او د PMA څخه د روزنې بشپړولو وروسته د پاکستان په پوځ کې شامل شو په داسې حال کې چې جنرال ساحر د څلورو ستورو جنرالانو په سینارټي لیست کې دوهم ځای لري.
جنرال ساحر شمشاد مرزا د ۲۰۲۱م کال د سپټمبر له میاشتې راهیسې د راولپنډۍ د قول اردو قومندان دی، نوموړی د ۲۰۱۹ کال په جون کې د لوی درستیز په توګه پر مختګ کړی و او د لنډې مودې لپاره یې د جی ایچ کیو د اډجوټنټ جنرال په توګه هم دنده ترسره کوله.

جنرال ساحر شمشاد مرزا د ۲۰۱۸ کال په اکتوبر میاشت کې د لوی درستیز مرستیال په توګه وټاکل شو، هغه له ۲۰۱۵ کال څخه تر ۲۰۱۸ پورې د پوځي عملیاتو د مشر په توګه دنده ترسره کړې.
جنرال ساحر شمشاد مرزا د TTP او نورو ترهګرو ډلو پر ضد د عملیاتو څارنه کوله او په بین الافغاني خبرو کې یې هم فعاله ونډه درلوده.

جنرال ساحر شمشاد مرزا د ګلګت بلتستان اصلاحاتي کمېټۍ برخه هم وه، هغه د جی او سي 40 انفنټري ډویژن اوکاړه کې هم دنده ترسره کړې، هغه د پخواني پوځ مشر جنرال (ر) راحیل شریف په وخت کې د ملټري اپرېشن ډائرېکټر جنرل وو.

ساحر شمشاد دا مهال د پاکستان د پوځ په راولپنډۍ کې د لس قول اردو د قول اردو قوماندان دی.