د کډوالو چارو وزارت هئیت د بلخ له والي سره د داخلي بې ځایه شوو کډوالو په اړه خبرې اترې وکړې.

د کډوالو چارو وزارت هئیت د بلخ له والي سره د داخلي بې ځایه شوو کډوالو په اړه خبرې اترې وکړې.

17 نومبر 2022

د مهاجرینو او بیرته راستنیدونکو چارو وزارت له لورې په یوه تازه خبرپاڼه کې راغلي چې د دغه وزارت یو هیئت د داخلي بې ځایه شویو د رئیس مولوي سردار محمد شېرزاد په مشرۍ د بلخ له والي مولوي داؤد مزمل سره وکتل.

په دې کتنه کې د پلاوي رئیس د غړو په استازيتوب مولوي سردار شيرزاد، د مهاجرينو د چارو وزارت د کاري ساحو په اړه معلومات وړاندې کړل او په ځانګړې توګه هغه پلانونه چې د  ولایتونو لپاره یې په ذهن کې لري.

دغه راز راغلي پلاوي د ولايت په کچه د راستنېدونکو او بې ځايه شويو خلکو د ستونزو او په حل کې يې د ولايتي چارواکو د رول په اړه توضيحات وړاندې کړل او د UNHCR دفتر په همکارۍ يې د دوه ورځني ورکشاپ د جوړيدو او د هغې د موخو د تطبیق په اړه معلومات ورکړل.

اړوند موضوعات

ملکري ملتونو د بې ځایه شویو راستنېدونکو کډوالو لپاره سرپناه جوړوي 

د بلخ والي د مهاجرينو چارو وزارت د پروګرامونو د تطبيق او د يادو شويو ستونزو د حل په برخه کې د خپل ملاتړ او همکارۍ ډاډ ورکړ او د ولايتي چارواکو لپاره يې د روزنيزو ورکشاپونو جوړول ارزښتناک وبلل او د دغه ډول پروګرامونو د دوام غوښتنه يې وکړه.

حماد