د فاینل لوبې لپاره د پاکستان شاهین لوبډلې چمتووالۍ دوام لري، رمیز راجا هم په تمریني غونډه کې موجود وو

باغی ټي وي رپورټ
د پاکستان کرکټ لوبډلې د ټي ټوئنټي ورلډکپ فائنل ته د تیاریو لپاره په میلبورن کې سخت تمرینونه وکړل خو نائب کپتان شاداب خان په لومړۍ سیشن کې برخه وانخیسته.

کله چې د پاکستان کرېکټ لوبډله د تمرین لپاره میلبورن ته ورسېده، ورېځې هم د میلبورن میدان ته ورسېدې، کله چې باران پیل شو، لوبډلې د انډور تمرین لپاره پلان جوړ کړ، خو څه موده وروسته باران ودرېده او لمر راووت، چې وروسته د پاکستان کرېکټ لوبډلې په نېټ سیمه کې تمریناتي ناسته درلوده، خو شاداب خان په دې غونډه کې شتون نه درلود.

د شاداب خان په تمریناتي ناسته کې د ګډون نه کولو په اړه، د ټیم مدیریت وايي چې هغه آرام کول غواړي او کوم ټپ نه لري.

د پي سي بي چيئرمېن رميز راجا هم د ګرين شرټس په پریکٹس سيشن کښې موجود وو چا چې د پریکٹس سيشن کتلو او د ټيم انتظامئي سره ئې هم ملاقات اوکړو۔
د يادونې وړ ده، چې د نړيوال جام پايلوبه به د يکشنبې په ورځ د پاکستان او انګلستان د لوبډلو ترمنځ ترسره شي، چې د انګلستان لوبډله به نن له اډيليډ څخه ميلبورن ته رسېږي.

د یادولو وړ ده چې پرون په نیمه پایلوبه کې انګلستان هندوستان ته په ۱۰ ویکټو ماتې ورکړه او له سیالیو بهر شو.
………………….