که زه په افغانستان کې پاتې وای، نو ضرور به وینه توییدنه شوې وای او د کابل کوڅې به د سوریې په څېر وای. اشرف غني
که زه په افغانستان کې پاتې وای، نو ضرور به وینه توییدنه شوې وای او د کابل کوڅې به د سوریې په څېر وای. اشرف غني
اشرف غني له افغانستان څخه تر وتلو وروسته په متحده عربي اماراتو کې پناه واخیسته او نن یې خپله لومړۍ ویډیو بیان خپور کړ.
اشرف غني وویل: د تېرې یکشنې په ورځ مې عادي تقسیم اوقات تعقیباوه او غوښتل مې دفاع وزارت ته ولاړ شم؛ خو په لاره کې د فزیکي امنیت مسئولینو متوجې کړم،چې ګواښونه موجود دي.سره له دې چې طالبانو کابل ته د نه ننوتلو اعلامیه خپره کړې وه، خو هغوی د ارګ شاوخوا ځای نیولی وو.
که زه په افغانستان کې پاتې وای، نو ضرور به وینه توییدنه شوې وای او د کابل کوڅې به د سوریې په څېر وای.
اشرف غني زیاته کړه: زه له کابله ایستلو ته اړ ایستل شوم،او طالبان په ارګ کې خونه په خونه په ما پسې ګرځېدل.
که زه پاتې وای، تاریخ بیا تکرارېده او د افغانستان ولسمشر د خلکو په وړاندې په دار ځوړول کېده.
هغه وویل : تر څو چې معلومات نه لرئ،قضاوت مه کوئ،ملا عمر هم له کندهار او کابل نه ووت،امیر عبدالرحمن، شیرعلي خان او نور مشران هم وتلي وو؛ خو بیرته دوهمه مرحله کې راغلل او د خپلو خلکو خدمت یې وکړ.
اشرف غني وویل : پیسې مې نه دي انتقال کړي. دا ډول تورونه په کلکه ردوم. موږ تش لاسونه راغلي یو. یو پرتوګ او کمیس مې راوړي.
د افغانستان خلک سوله غواړي،دا چې کابل کې د وینې توییدنې مخه ونیول شوه، ورباندې خوښ یم.
د سولې پروسه چې اوس یې عبدالله عبدالله او کرزی مخته وړي ملاتړ ترې کوم او باید بریالی شي.
اشرف غنی وویل : زه په امنیتي ځواکونو ویاړم، هغوی ماته نه ده خوړلې حکومت، طالبانو او نړیوالې ټولنې په سیاسي ډګر کې ماتې خوړلې. دا ماته د سولې پروسه وه،چې په جنګ بدله شوه.
اشرف غني زیاته کړه : زه له افغانستانه د تېښتې نیت نه لرم. همدا اوس متحده عرب اماراتو کې یم، مشورې لرم او غواړم وطن ته وګرځېږم تر څو د امنیت، عدالت او واقعي اسلامي او ملي ارزښتونو د بیا اعادې لپاره مبارزه وکړم.