د بلوچستان په بیله بیلو سیمو کښې په ډزو ۶ کسان اووژل شول

باغی ټي وی رپورټ
د بلوچستان په کيچ سيمه کې د نامعلومو کسانو په ډزو کې څلور کسان وژل شوي او په واشک کې هم د نامعلومو کسانو په ډزو کې دوه کسان وژل شوي دي.

د ليويز چارواکو ترمخه د کيچ ضلعې د تمپ سيمې پنځه ځوانان د پاک ايران سرحدي سيمې څخه تمپ ته راروان وو چې د تمپ سره نزدې غرنۍ سيمه کې نامعلومه کسانو پرې ډزې کړي دي.

د پوليس وينا ده چي د ډزو په نتيجه کښي اقبال، بلاج، نياز او حنيف په موقع مړه او يو ځوان عمران په پښه لګيدلي ژوبل شوي دي۔

د وژل شوؤ څلورو کسانو جسدونه د ترمپ هسپتال کښې د پوسټ مارټم نه پس خپلو خپلوانو ته سپارلې شوې دې۔
پوليس وائي چي ژوبل شوي ځوان عمران ته ئي طبي امداد ورکولو نه پس تربت ته منتقل کړے شوے دے۔
………………….