باغی ټي وي رپورټ
شل اوریز نړیوال جام په دویمه نیمه پایلوبه کې هند انګلستان ته د ګټلو لپاره ۱۷۰ منډو هدف ورکړ.
د آی سي سي سیالیو دویمه نیمه پای لوبه د اسټرالیا په اډیلیډ ښار کې روانه ده، چې پچه یې د انګلستان کپتان جوس بټلر وګټله او د هند کپتان روهیت شرما ته یې د توپ وهنې بلنه ورکړه.
د هند اوپنر کی ایل راهول په ۵ منډو اوټ شو، د هغه ویکټ کریس ووکس واخیسته او کپتان روهیت شرما هم په ۲۷ منډو اوټ شو.
روهیت شرما له ټاس وروسته په خبرو کې وویل، چې که ټاس مو ګټلی وای، لومړی به مو بیټنګ کړی وای.
بل خوا د انګلستان مارک ووډ او ډیویډ مولان د ټپ له امله نن لوبه نه کوي.تېره ورځ په لومړۍ نیمه پایلوبه کې پاکستان نیوزیلنډ ته په ۷ وېکټو ماتې ورکړه او فاینل ته یې لاره وموندله.
د نړیوال جام پای لوبه به د نومبر په ۱۳مه د یکشنبې په ورځ په میلبورن کرکټ لوبغالي کې ترسره شي.
………………………
Leave a Reply