پاکستان تحریک انصاف کارکوونکو د اسلام آباد په داخلي لارو کښې احتجاجونه پیل کړي، مسافر او عام اولس له سختو ستونزو سره مخ دې

باغی ټي وی رپورټ
د پاکستان د تحریک انصاف د کارکنانو لخوا د اسلام اباد په داخلی دروازو کې مظاهرې روانې دي چې له امله یې خلک له سختو ستونزو سره مخ دي.

د تحريک انصاف د احتجاج له امله مهمې لويې لارې بندې شوې او د ګاډو اوږدې کتارونه جوړ شوي چې پکې په زرګونو مسافر په ټريفک جام کې بند پاتې دي.

امبولانسونه هم په بیلا بیلو سیمو کې په ترافیکي جامو کې بند پاتې دي.
د لاريونونو له امله د راولپنډۍ، اسلام اباد ښاريان له سختو ستونزو سره مخ دي او يوه اوسېدونکي وويل، چې له شپږو ساعتونو راهيسې د راولپنډۍ ټي چوک ته څېرمه له ماشومانو سره په موټر کې ولاړ دي، د ټرافيکو د بحالۍ لپاره هېڅ اقدام نه کېږي.

یوې مور په ټلیفون شکایت وکړ چې د پېښور روډ په حاجي کېمپ چوک کې ترافیکي ګڼه ګوڼه ده او لور مې تر اوسه کور ته نه ده رسېدلې، لور مې دوه بجې ښوونځي ته ځي او لا هم په ترافیکو کې بند پاتې ده.

هغوی غوښتنه وکړه چې د خدای په رضا دې بندې شوې ټرافيکي بېرته پرانيستل شي.