باغي ټي وي رپورټ
د عوامي مسلم ليګ مشر او د کورنيو چارو پخوانى وفاقي وزير شيخ رشيد وايي، حکومت غواړي چې پوځ او ولس يو له بل سره وجنګي.
په سوشل ميډيا خپل يو بيان كښې شيخ رشيد په وفاقي حكومت نيوكې كړې او وئيلي ئې دي چې آئي اېم اېف د پټرول په نرخ 50 روپۍ زياتې كړې او د كوم هېواد چې داخله وزير رانا ثناءالله وی نو د هغه هیواد دې الله تعالی حفاظت وکړي.
پخواني وفاقي وزير داخله شيخ رشيد وئيلي دي چي د سياست پريشر ککر هر وخت چاوديدلي شي، حکومت د پوځ او ولس تر مينځه جنګول غواړي۔
دا خبره د یادونې ده چې پخواني ولسمشر اصف علي زرداري د تحريک انصاف په مشر نيوکې کړي او ويلي يې دي چې يو کس په ملک کې ګډوډي غواړي خو په ادارو بريدونه به نه زغمو.
د اصف علي زرداري لخوا جاري شوي بيان کې وئيل شوي چې يو کس په ملک کې د ګډوډۍ د خورولو دپاره په هره کرښه تيريږي ، دغه کس ته نه د ملک د سالميت او نه د ملک د ادارو په اړه فکر دی ، دې کس ته يواځې د خپل ځان فکر دې.
Leave a Reply