زه د عمران خان سپاهي یم، د ګورنر څوکۍ سره کومه مینه نه لرم، په لانګ مارچ کښې به ایبټ آباد ګډون کوونکو سره برخه اخلم: ګورنر مشتاق غني

باغی ټي وي رپورټ
د خيبرپښتونخوا ګورنر مشتاق احمد غني وئيلي دي چي د ايبټ آباد کارکنانو سره به په لانګ مارچ کښي ګډون کوي، څوک چي وائي چي ګورنر شپ يو آئيني پوسټ دے نو واضحه کړم چي زه ددي پوسټ سره علاقه نه لرم۔ اول زه د عمران خان سپاهی یم او د هغه په بلنه به بهر ځم. که تاسو غواړئ خپل والي نصب کړئ، همدا نن یې نصب کړئ.
که عمران خان سپیکر نه وی لګولی نو نن به ګورنر نه وو دا موقف د عمران خان دین دی. پيښور پريس کلب کښې د لائيس ان کارپوريشن ميډيا کرکټ ليګ افتتاحي دستورې ته دوينا په مهال مشتاق غني اوويل چې د تحريک انصاف مبارزه د حقيقي ازادۍ لپاره ده په کوم کښې چې هر چا خپل کردار ادا کول پکار دي په کومه ورځ به چې عمران خان غږ کړي زه به عمل کوم. زه به د ایبټ آباد د ښاریانو او مزدورانو سره په لانګ مارچ کې ګډون کوم.
مشتاق غني وويل، چې صوبايي حکومت د خلکو د هوساینې لپاره ډېرې پروژې پيل کړې دي. نن وفاقى حکومت افراط زر دومره زيات کړے دے چې غريبان په 25 زره روپو هم ژوند نۀ شى کولے خو د عمران خان حکومت ورته د 10 لاکه روپو په قيمت يو صحت کارډ ورکړے دے دوئ مطمين دي چې په غوره هسپتال کښې مفت علاج کولے شي۔ صوبايي حکومت اوس په تعلیمي کارډ کار کوي، صحت کارډ، تعلیم کارت او کسان کارت د ټولو خلکو لپاره د فلاحي حکومت نوښتونه دي.
مشتاق غني وويل، د خيبر پښتونخوا خبريالان د ټول پاکستان له خبريالانو سره توپير لري، چې هلته د ژورناليزم ارزښتونو او اصولو ته پاملرنه کېږي. مشتاق غني پريس کلب ته د پنځه لاکه روپو ورکولو اعلان وکړو.
…………………….