باغی ټي وي رپورټ
اسلام آباد هائي کورټ د پي ټي آئي په درخواست باندي وفاقي پلازمينه کښي جلسي ته د اجازت نه ورکولو نوټس جاري کړے دے۔
د اسلام اباد هائي کورټ جسټس عامر فاروق د پي ټي آئي مشر علي نواز اعوان د درخواست اورېدنه وکړه۔
عدالت اسلام آباد کښې د جلسې او دھرنے د اجازت نه ورکولو په ضد انتظاميې ته نوټس جاري کړے دے۔
عدالت د انتظاميې بااختيار افسر ته سبا وړاندې کولو هدايات کړي دي۔
د یادونې ده چې تحریک انصاف د جلسې د اجازت لپاره اسلام آباد هائی کورټ ته رجوع کړې ده.دا درخواست د پي ټي آئي لخوا د اسلام آباد د پارټۍ صدر علي نواز اعوان لخوا جمع کړے شوے وو چې پکښې داخله وزارت، ډپټي کمشنر اسلام آباد او آئي جي اسلام آباد اړخونه جوړ کړې شوي وو۔
په درخواست کښې وئيلي شوي دي چې درخواست کوونکي د حقيقي آزادي لانګ مارچ د تنظيمولو لپاره ډپټي کمشنر اسلام آباد ته رجوع کړې ده، په 26م اکتوبر يو خط هم ليکلے شوے وو خو تر اوسه اين او سي نه دې ترلاسه شوي، د سپريم کورټ د فيصلې مطابق پي ټي آئي سرينګر هائي وے باندې د ښایي ښکاره شي.
درخواست کښې غوښتنه شوې چې کشمير هائي وے پيښور موړ کښې دې جلسې لپاره اين او سي جاري کړے شي، عدالت دې ډپټي کمشنر اسلام آباد ته د اين او سي جاري کولو او د تحريک انصاف کارکنانو د ځورولو بندولو حکم ورکړي۔
…………………………………..
Leave a Reply