چا هم چې خبریاله صدف نعیم را غورځولې ده، د هغوي په ضد دې پلټنې وشي: د داخله چارو وزیر، رانا ثناالله

باغی ټي وي رپورټ
د داخله چارو وزير رانا ثناء الله د لانګ مارچ په مهال د کنټينر لاندې مړه شوې خبريالې صدف نعيم د وژنې پلټنو ته اشاره کړې ده.
د پي ټي ائي لانګ مارچ په مهال د کانټينر لاندې د وژل شوې خبريالې صدف نعيم په اړه په ټويټر خپل يو بيان کې د داخله وفاقي وزير رانا ثناء الله وئيلي دي چې د صدف نعيم ملګري خبريالانو ته وئيلي وو چې صدف وهلې شوې .
دکورنيو چارو وفاقي وزير وويل چا چې خبریالې ته دیکا ورکړې هغه دې ونيول شي، دقانون تقاضې دې پوره کړل شي، ددې شاهدۍ وروستو د پيښې پلټنې ضروري دي.
رانا ثناءالله وويل چې په موقع موجود خبريالانو له څرگندونو وروسته خبره مشکوکه شوې ده.
ده ووئيل دا د پنجاب حكومت قانوني ذمه واري ده چې د بې ګناه خبريالې د دردناکه مرګ په اړه پلټنې وكړي او كه پنجاب حكومت خپل قانوني او انساني ذمه واري پوره نه كړه نو وفاقي حكومت به خپله قانوني ذمه واري پوره كوي۔
ياده دې وي چې د پاکستان تحريک انصاف د لانګ مارچ په موقع کامونکي ته په لاره د عمران خان د کنټينر لاندې راپريوتو د عمران جي ټي وي يوه ښځينه خبرياله مړه شوې وه.
تر پېښې وروسته عمران خان په خپله وینا کې په دې بده پیښه د غم څرګندونه وکړه او وې ويل چې د دې بدمرغه حادثې له امله مونږ نن دلته خپل مارچ ختموو.
…………………