وزیراعظم شهباز شریف سبا د چین په دوره روانیږي

باغی ټي وي رپورټ
وزيراعظم شهباز شريف به سبا د نهط په ورځ (د نومبر په لومړۍ نېټه) د چين د ولسي جمهوريت د دولتي شورا د لومړي وزير لي کي چيانګ په بلنه د چين په دوه ورځني رسمي دوره وکړي.

دا به د شهباز شریف په اپریل ۲۰۲۲ کې د وزیراعظم واک په غاړه اخیستو وروسته چین ته لومړی سفر وي او د 2022 کال د سپتمبر په 16 نیټه به په ازبکستان کې د ولسمشر شي جین پینګ سره د هغه د لیدنې وروسته وي.
د وزيراعظم دفتر لخوا د شورو په ورځ جاري شوي بيان كښې وئيلي شوي دي چې د وزيراعظم سره به يو لوړ پوړي پلاوي هم ملګرتيا كوي۔

لومړی وزیر به د چین د کمونست ګوند د شلمې تاریخي ملي کانګرس نه وروسته چین ته د سفر په لومړیو مشرانو کې وي.
د وزيراعظم دفتر ويلي، “د وزيراعظم سفر د پاکستان او چين ترمنځ د مشرتابه په کچه د پرله پسې تبادلو د دوام څرګندونه کوي.”

د دغه سفر په ترڅ کې به لومړی وزير شي جين پينګ له صدراعظم لي که چيانګ سره د پلاوي په کچه خبرې اترې وکړي.

په بیان کښې ویلي شوي دي چې دواړه خواوې به د هر موسم ستراتیژیکې همکارۍ ملګرتیا بیاکتنه وکړي او د سیمه ایزو او نړیوالو پرمختګونو په اړه د نظرونو تبادله وکړي.
تمه کیږي چې دا سفر به په مختلفو برخو کې د یو شمیر تفاهم لیکونو / تړونونو په پایله کې د پراخو دوه اړخیزو همکاریو اجنډا ته وده ورکړي، او د CPEC د ګډې همکارۍ د JCC کمیټې د 11مې غونډې په پایله کې د CPEC همکارۍ سرعت پیاوړی کړي) کومه چې په 7، اکتوبر 2022 باندې تابیا شوې ده.