باغی ټي وي رپورټ
د هند په ګجرات ایالت کې د سیند پر سر یو ۱۴۰ کلن پل نړېدلی چې له امله یې ۹۱ کسان وژل شوي او ګڼ نور ټپیان شوي دي.
د هندي رسنیو د راپور له مخې، د پېښې پر مهال پر پل باندې تر ۵۰۰ ډېر کسان سیند ته ولوېدل.
د 19 پیړۍ پل، چې پدې وروستیو کې ترمیم شوی و، د ځایی خلکو لخوا د تفریح لپاره هم کارول کیده.
د سیند پر غاړه پل د ساتیرۍ مرکز و او تیره اونۍ د ترمیم وروسته د اکتوبر په 26 د عامو خلکو لپاره پرانستل شو.
ياده دې وي چې تر دې وړاندې ايالتي حکومت د وژل شويو کسانو لپاره د ۴ او مرکزي حکومت د دوه لکه هندي کلدارو د مرستې اعلان کړی و.
د يادونې وړ ده چې د مچو پر سيند دغه پل په ۱۸۸۰ کال کې جوړ شوی وو او هغه مهال پرې ۳.۵ ميليونه لګښت راغلی و.
………………………….
Leave a Reply