نړۍ ته د ایران لاریونوال: انقلاب په رسمیت وپیژنئ او له اسلامي جمهوریت سره خبرې اترې بندې کړئ

نړۍ ته د ایران لاریونوال: انقلاب په رسمیت وپیژنئ او له اسلامي جمهوریت سره خبرې اترې بندې کړئ

دا هم بايد وويل شي، چې په ايران کې د هېواد په کچه د درې څلوېښتو ورځو لاريونونو په ترڅ کې د دغه هېواد د امنيتي ځواکونو له خوا تاوتریخوالی هم ترسره شوی، چې د شمېرو له مخې د وژل شويو لاريون کوونکو شمېر له ٢٥٠ څخه زيات شوى دى.

(2022 /  10 / 30   نېټه باغي ټلویزیون)

بشپړ راپور 

د ایران د خلکو له پراخو مظاهرو وروسته د دغه هیواد یو زیات شمیر اوسیدونکو د اروپا په څو ښارونو کښې مظاهرې پیل کړې او اوږده انسانی ځنځیرونه یې جوړ کړل.

مظاهره چیانو د «ښځې، ژوند، آزادۍ» په شعارونو سره د نړۍ له هیوادونو په تیره بیا له اروپا څخه وغوښتل چې له اسلامي جمهوریت سره خبرې اترې بندې کړي او د خلکو انقلاب په رسمیت وپیژني.

مظاهره چیانو نن یکشنبه د اکټوبر په ۳۰مه په سویډن کې یو انساني ځنځیر جوړ کړ، د دغو مظاهرو د کلیدي شعارونو (ښځې، ژوند، ازادي) سره یې لاریون وکړ او په یوه اعلامیه کې یې چې ولوستل شوه، له اروپايي هېوادونو وغوښتل چې له جمهوري دولت سره له هر ډول خبرو اترو او توطیې ډډه وکړي.

دا اعتراضونه چې اوس هم په ایران کې دننه او بهر په اوومه اوونۍ کې دوام لري، وروسته له هغې رامنځ ته شول چې د ایران په پلازمېنه تهران کې یوه ۲۲ کلنه انجلۍ مهسا امیني د دغه هېواد د اخلاقي پولیسو له خوا ونیول شوه او بیا ووژل شوه.

خو ایراني چارواکو د شنبې په ورځ د عقرب په اوومه مظاهره چیانو ته خبرداری ورکړ، چې ” ګډوډي ” پای ته رسېدلې دهدې خبرداری ورکړی، خو له ایران څخه راپورونه ښيي چې اوس هم د دغه هېواد په یو شمېر ښارونو کې خلک پر سړکونو ولاړ دي. د ایران په ټلویزیوني چینلونو او ځینو نړیوالو رسنیو کې بحثونو د ایران د اسلامي جمهوریت کمزوری اعلان کړی او د سقوط ژمنه یې کړې ده.

د دې هېواد د روڼ اندو په منځ کې غالب بحث د بدیل نظام بحث دی، چې ښيي خلک په دې هېواد کې د اسلامي نظام د سقوط په فکر کې دي. په تېرو ورځو کې ایکسپریس ټریبیون ورځپاڼې راپور ورکړی و چې یو شمېر ایراني چارواکي هڅه کوي چې نوموړی او د کورنۍ غړي له ایرانه وباسي.

اړوند موضوعات:

ایران کې د سختو امنیتي تدابیرو سربیره د نظام پر وړاندې لاریونونو زور اخیستی.

دا هم بايد وويل شي، چې په ايران کې د هېواد په کچه د درې څلوېښتو ورځو لاريونونو په ترڅ کې د دغه هېواد د امنيتي ځواکونو له خوا تاوتریخوالی هم ترسره شوی، چې د شمېرو له مخې د وژل شويو لاريون کوونکو شمېر له ٢٥٠ څخه زيات شوى دى.