د پاکستان په فوځ او ملکی ادارو نیوکې ، هند کښې عمران خان ډیر زیات مشهور شو

باغی ټي وي رپورټ
د پاکستان تحریک انصاف مشر عمران خان په هندي رسنیو کې د بنسټونو پر ضد د خبرو له کبله مشهور شو.

ياده دي وي چي د پاکستان تحريک انصاف د چيئرمېن عمران خان په مشرۍ کښې د لاهور له لبرټي چوک څخه د اسلام آباد په لور لانګ مارچ پېل کړی دی.

عمران خان په هندي رسنیو کې د بنسټونو پر ضد د خبرو له کبله مشهور شوی دی.
د پي ټي ائي مشر فياض الحسن چوهان ته د يو هندي چينل اينکرپرسن ويلي وو چې هند د عمران خان اجنډا پېژني، عمران خان غواړي ISI افشا کړي او له همدې امله په هند کې شهرت لري.

هندۍ زنانه اینکر د پي ټي ائي مشر فیاض چوهان ته ویلي چې ستاسو ګوند د خپل ریاستي ادارې په کټ کې اچولو سره د هند کار اسانه کړی، مننه چې په دې کار سره عمران خان د هند تر ټولو محبوب شو.

فياض الحسن چوهان وئيلي وؤ چې دا به ستاسو خواهش وي چې دا موضوع متنازعه کړي.

په یوه بل ټلویزیوني چینل کې یو تحلیل وړاندې شوی چې که عمران خان د لسو کلونو لپاره د پاکستان لومړی وزیر شي، د هند کار به اسانه شي.
یو بل هندي چینل راپور ورکړی چې د تحریک انصاف او پاکستان پوځ مخامخ شوي، د اعظم سواتي د خبري غونډې په اړه هندي رسنیو لیکلي چې د تحریک انصاف مشر عمران خان د پاکستان پر پوځ تورونه پورې کړي. دا ی هم لیکلي او ویلي دي چې د خان تحریک انصاف پاکستان له لوري په فوځ باندې د نیوکو باران شوې.

د هندي تلویزیون د فیاض الحسن کلیپ په ټولنیزو رسنیو کې په چټکۍ سره وائرل کیږي.