باغی ټي وي رپورټ
د امریکا د استازو د جرګې د سپیکر نانسي پلوسي پر مېړه برید شوی دی، د رسنیو په وینا بریدګر نن سهار د پاول پلوسي کور ته ننوتی او پر هغه یې د تبر ګوزار وکړو.
امریکايي رسنیو ویلي، د ۸۲ کلن پاول پلوسي حالت له خطره بهر دی، بریدګر د پولیسو په ولکه کې دی او د برید د علت معلومولو لپاره د پولیسو پلټنې روانې دي.
د بهرنیو رسنیو د راپورونو له مخې، پاول پلوسي د سر د مات شوي سر او په چپ لاس کې د ژورو ټپونو جراحي ترسره کړې، د سپیکر نانسي پلوسي د عملیاتو دمخه د خپل میړه سره خبرې کړې وې.
د سپیکر نانسي پلوسي د ویاند په وینا، سپیکر نانسي پلوسي له واشنګټن څخه سان فرانسیسکو ته تللې ده، موږ هیله لرو چې پاول به ډیر ژر روغ شي.
د رسنیو د راپورونو له مخې، د پېښې پر مهال پاول پلوسي پولیسو ته زنګ وواهه او ټیلیفون یې پرې کړ، تر څو مخامخ کس له بریدګر سره د هغه خبرې واوري.
د سان فرانسیسکو پولیس وايي، کله چې پولیس د نانسي پلوسي کور ته ورسېدل، بریدګر په هستوي برید وکړ او په چټکۍ سره د پولیسو لخوا ودرول شو او ونیول شو.
پولیس وايي تر اوسه د برید د انګېزې په اړه څه نه شي ویلای، خو ګومان کېږي چې بریدګر د سپېکر نانسي پلوسي د برید په نیت کور ته ننوتی، خو هغه په کور کې نه وه.
د پولیسو په وینا، کور ته له ننوتلو وروسته، بریدګر لږ تر لږه دوه ځله چیغې کړې چې پوښتنه یې وکړي چې نانسي چیرته ده، وروسته یې وویل، “زه به انتظار وکړم ترڅو هغه بیرته راشي.”
پوليس باور لري چې ښايي دا د سياسي تاوتريخوالي پېښه وي خو د پېښې په اړه تر پلټنو وروسته به وروستۍ نظريه جوړه شي.
……………………….
Leave a Reply