عمران خان د ارشد شریف د قتل سازش جوړوونکې ښکاري: وفاقي وزیرداخله رانا ثناالله

باغی ټي وي رپورټ
د داخله چارو وزير رانا ثناء الله وئيلي دي چې عمران خان د ارشد شريف د وژنې سازش جوړونکي ښکاري، د فيصل واوډا پريس کانفرنس ته دې جدي پام وشي.

د جيو نيوز پروګرام “آج شاهزيب خانزاده سره” کې د خبرو پر مهال رانا ثناءالله وويل، که چا ريډ زون ته د ننوتو هڅه وکړه، نو د زيان مسوول به يې وي.

هغه وويل داسې استخباراتي راپورونه شته چې ترهګر کولاى شي د لانګ مارچ له غونډې ګټه پورته کړي او غونډه په نښه کړي. په دې اړه کره شواهد شته، فیصل واوډا هم ورته معلومات لري.
رانا ثناءالله وئيلي دي چې رياست به دوسله والو ډلو په وړاندې هيڅ قسمه جوړجاړي نۀ کوي.

ياده دې وي چې فيصل واوډا د اسلام اباد په نېشنل پريس کلب کې يوه خبري غونډه کړې وه چې پکې يې د سينئر خبريال ارشد شريف د وژنې او لانګ مارچ په اړه خبرې کړې وې.

فيصل واوډا خبري کانفرنس ته په وينا کې وويل د ارشد شريف وژنه هغه وژنه ده چې په پاکستان کې پلان شوې وه، په لانگ مارچ کې وينه وينه ده، جنازې يواځې جنازې دي، وارداتي شخصيتونه دي او په راتلونکو ورځو کې به د زياتو مړيو په ترځ کې غورځيږي. مارچ، شتون لري

مطبوعاتي کانفرنس ته دوينا په مهال پي ټي آئي د فيصل واوډا ابتدائي رکنيت معطل کړے او هغه ته ئي د شوکاز نوټس جاري کړے دے۔
…………………………….