د اوکراین هغه سیمې چې روسیه قبضه کړي دې، پوتین په دې سیمو کښې فوځي قانون نافذ کړې دې

باغی ټي وي رپورټ
د روسیې ولسمشر پوتین د اوکراین په څلورو سیمو دونیتسک، لوګانسک، زاپورزیه او خرسون کې چې له روسیې سره ضمیمه شوي دي مارشل لا نافذ کړی دی:
ولسمشر پوتین وايي، اوکراین د خلکو د ارادې د منلو پر ځای له ترهګریزو لارو کار اخلي، ډزې کېږي، خلک وژل کېږي، د اوکراین حکومت د خبرو اترو هر وړاندیز رد کړی دی.

ولسمشر پوتین د مارشل لا د اعلانولو پر مهال وویل، “اوکرایین زموږ خاورې ته ورانکارې ډلې لېږي. د کریمیا د پل له چاودنې وروسته موږ د نورو بریدونو مخه نیولې ده، په دې کې زموږ پر اټومي تاسیساتو بریدونه هم شامل دي.”
نوموړي وويل، چې د هېواد د امنيت د تامين او د راتلونکي د خونديتوب په موخه يې په پراخه کچه پاتې کارونه حل کړي دي.

د کرملین په وینا، له سبا څخه به په روسیه کې مدغم شویو څلورو سیمو کې مارشل لا نافذ شي، د مارشل لا له مخې به په دغو سیمو کې د ګرځبندیز، تګ راتګ او تګ راتګ محدودیتونه ټاکل کېږي او د بهرنیانو د سانسور او ننوتلو کنټرول به هم کېږي.

د روسیې له خوا د پوځي قانون دغه اقدام د روسیې تر ولکې لاندې سیمو کې د اوکرایني ځواکونو له پرمختګ وروسته کېږي.