د سرحدونو او قبایلو چارو وزیر ملانورالله نوري خوست ولایت ته سفر او له سرحدي سیمو لیدنه ترسره کړه.

د سرحدونو او قبایلو چارو وزیر ملانورالله نوري خوست ولایت ته سفر او له سرحدي سیمو لیدنه ترسره کړه.

16 اکتوبر 2022

د سرحدونو، قومونو او قبایلو چارو سرپرست وزير ملا نورالله نوري او مل پلاوي په داسې حال کې چې د خوست ولايت د سرحدونو، قومونو او قبايلو چارو رئیس شيخ کليم الرحمن فاني يې هم ملگرتيا کوله د خوست ولايت ځاځي ميدان ولسوالۍ اړوند له فرضي کرښې څخه له نږدې ليدنه وکړه.

له فرضي کرښې څخه د ليدنې پر مهال ملا نورالله نوري مسؤلينو ته سپارښتنه وکړه چې په دوامداره توگه د هېواد له فرضي کرښو او سرحدونو څخه د ساتنې په موخه څارنه تر سره کړي.

دغه راز يې له ځايې پوله ساتو ځواکونو څخه د هېواد د پولو د ساتلو له امله مننه وکړه او د دندې په تر سره کولو کې يې لا ويښتابه، صداقت او ايماندارۍ ته وهڅول.