د ننګرهار پوهنتون د لوړو زده کړو وزیر شیخ عبدالباقي حقاني ته افتخاري دوکتورا ورکړه.
11 اکتوبر 2022
د افغان دولت د د طالبانو د لوړو زده کړو سرپرست وزیر تیره ورځ ننګرهار ته د خپل سفر په ترڅ کې د دغه ولایت له پوهنتون څخه لیدنه وکړه او د دغه لیدنې پر ترڅ کې د یاد پوهنتون د استادانو له لورې نوموړي ته افتخاري دوکتورا ورکړل شوه.
د لوړو زده کړو وزارت په یوه خبرپاڼه کې ویلي: “ننګرهار پوهنتون شیخ عبدالباقي حقاني ته د هغه د علمي او اکاډمیکو خدمتونو په درناوي د فقه او حقوقو په برخه کې افتخاري دوکتورا او همدارنګه د خدمت جایزه ورکړه.”
عبدالباقي حقاني د جایزې د ورکړې په مراسمو کې د ننګرهار پوهنتون ستاینه او مننه وکړه او زیاته یې کړه چې موږ باید دې ملت ته ډیر خدمت وکړو، پوهنتون د زده کړو اصلي مرکز دی او باید ملت ته ښه کادرونه وړاندې کړو.
اړوند موضوعات
لوړو زده کړو وزارت: سږ کال به دولتي پوهنتونونو ته د کانکور له لارې ۱۱۵ زره ګډونوال جذب شي.
شیخ عبدالباقي حقاني د طالبانو یو لوړپوړی غړی او پخوا د تعلیم او تربیې د کمیسون مسؤل او زیات علمي خدمتونه خپل ملت او اسلامي امت ته وړاندې کړي.
Leave a Reply