یونما: کابل پر ښوونیز مرکز د تالفاتو شمېر د ډيرېدو پۀ حال کې دی

یونما: کابل پر ښوونیز مرکز د تالفاتو شمېر د ډيرېدو پۀ حال کې دی

دا په داسې حال کې ده چې له دې پېښې وروسته په تېرو دوو ورځو کې په کابل کې لسګونو ښځو او په هرات او بامیانو کې ښځینه محصلینو مظاهرې وکړې او په افغانستان کې یې د “هزاره ګانو د وژنې” د بندېدو غوښتنه وکړه.

خو په کابل او هرات کې ط’البانو د يو شمېر لاريون کوونکو او زده کوونکو نجونو له وهلو وروسته د دغو لاريونونو د پراخېدو مخه ونيوله.

(2022 / 10 / 3 نېټه باغي ټلویزیون)

بشپړ راپور

په افغانستان کې د ملګرو ملتونو مرستیال دفتر یا یوناما ویلي، چې د کابل په لویدیځ کې د هزاره ګانو په کج ښوونځي د برید د تلفاتو شمېر مخ په زیاتېدو دی او تر اوسه د کج په پېښه کې ۴۳ تنه وژل شوي او ۸۳ نور ټپیان شوي دي.

یوناما دغه نوې احصایه د دوشنبې په ورځ د اکتوبر په دریمه (۱۱ میزان) په ټویټر کې خپره کړه.

د کابل ښار د ۱۳مې ناحیې اړوند په دغه ښوونیز مرکز کې د جمعې په ورځ د وږي په ۳۰مه (د میزان ۸ مه) سهار شاوخوا ۷ بجې د کاج پر ښوونیز مرکز برید شوی دی. د یوناما د معلوماتو له مخې، شونې ده چې په راتلونکو ورځو کې د دغې پېښې د تلفاتو شمېر نور هم زیات شي. ملګرو ملتونو ټینګار کړی چې نجونې او ځوانې ښځې د دې چاودنې اصلي قربانیان دي.

تر دې مخکې د ط’البانو د حکومت د کورنیو چارو وزارت ویلي وو چې په دغه برید کې ۱۹ تنه وژل شوي او ۲۷ نور ټپیان شوي دي.

دغه راز دوه ورځې وړاندې په افغانستان کې د ملګرو ملتونو د ماموریت مرستیال هم په دې پېښه کې د وژل شویو شمېر ۳۵ او ۸۲ نور ټپیان کړل.

دغې چاودنې په افغانستان کې دننه او بهر ګڼ غبرګونونه راپارولي او د ملګرو ملتونو په ګډون ګڼو هېوادونو او نړیوالو سازمانونو دغه برید غندلی دی.

اړوند موضوعات:

سویډن کې کابل پرکاج ښوونیز مرکز د وروستۍ حملې غبرګون یو شمېر افغان نجونو لاریون کړی