باغی ټي وي رپورټ
د خېبرپښتونخوا حکومت د مالي مشکلاتو له امله حکومتي کارکوونکو ته تنخواګانې نه شي ورکولی.
د دولتي چارواکو په وينا، دغه ولايت له مالي بحران سره مخ دى او د ماليې د خرابېدو له وېرې ولايتي اداره نه شي کولى، چې دولتي مامورينو ته معاشونه ورکړي، په داسې حال کې، چې پخوا د هرې مياشتې په ٢٩مه د معاشونو ورکول پيل کېدل.
چارواکي وايي دغه پيسې وفاقي حکومت څخه ناوخته ترلاسه شوي، په داسې حال کې چې وفاقي حکومت د بجلۍ د منافعو 60 اربه روپۍ قرضدار دي او وفاقي حکومت د ضم شوي ضلعو لپاره هم پيسې نه ورکوي او صوبې سره هم محدودې پيسې پاتې دي.
بل خوا د صوبې د خزانې وزير تيمور سليم جهګړا وئيلي دي چې راتلونکې هفته به د ټولو ملازمينو تنخواګانې په خپل وخت ورکولې شي۔
هغه وايي، وفاق د سياسي سکور لپاره په صوبه کې اقتصادي بې ثباتي غواړي، هغه اوویل چې سرکاري کارمندان دې بې فکره وسی ، دوی ته به معاشونه زر ورکړل شي.
بل اړخ ته په صوبه کښې د سرکاري کارکوونکو اتحادیی مشرانو غوښتنه کړې ده چې سکراي کارمندانو ته دې زر معاشونه ورکړی ځکه هم دا ددوی د خاندان د ساتلو وسیله ده او د معاشونه نه ورکولو په وجه سرکاري کارمندان د سختو مالي ستونزو سره مخ دي.
Leave a Reply