په سندهه کښې د قدرتي آفتونو لکه سیلاب څخه د ژغورنې لپاره مهمه غونډه شوې ده

باغی ټي وي رپورټ
په سندهـ کې د وروستيو سيلابي آفتونو د لاملونو معلومولو او په راتلونکي کې د داسې ستر ناورين د مخنيوي لپاره په جامشورو کې د کارپوهانو يوه غونډه وشوه.

د اوبولګولو کارپوهانو وړاندیز کړی چې د طبیعي سیلاب چینلونو څخه د تجاوزاتو لیرې کړي، د کیڼ اړخ څخه دې بهر ته د وتلو اوبو ظرفیت لوړ کړي
د “حیدرآباد روشنفکرۍ فورم” د سندهـ پوهنتون، جامشورو په ایم ایچ پنهور انسټیټیوټ کې د “د سنده توپګرافي، LBOD، RBOD، د اوبو لارې، د 2022 سیلاب کې د کریکونو او انتظاماتو” تر عنوان لاندې د خبرو اترو غونډه جوړه شوه.

د یادې موسسې مشر ډاکټر عبدالحمید سومرو د خبرو پر مهال وویل، چې زموږ موخه د سېلابونو د پېښو د لاملونو په اړه د خلکو پوهاوی او په راتلونکي کې د داسې لوی ناورین مخنیوی دی.
د خبرو اترو په غونډه کې د اوبولګولو کارپوه حبیب الرحمن عرساني وویل، کله چې د اوبو په لارو کې رغونه ترسره شي، د اوبو ایستلو مخه نیسي، په داسې حال کې چې په راتلونکي کې په LBOD کې د اوبو د استخراج د ظرفیت د لوړولو لپاره باید کار وشي.

تنظیم کونکو وویل چې د 2010 او 2022 سیلابونو تفصیلي بیاکتنې وروسته باید د راتلونکي لپاره یوه منظمه تګلاره جوړه شي.
……………………………….